OSAMA
:: رئيس الجمهورية ::
عدد الرسائل : 45
العمر : 34
العمل/الترفيه : طالب
تاريخ التسجيل : 30/06/2008
 |  موضوع: مواقف رومانسية بس صدك تحشيشية  السبت يوليو 05, 2008 7:10 pm | |
|
[size=21]شلونهم حشاشه البغدادي 
صارلي هواي ما محشش يلا خلي نبلش :cool:
الرومانسيه احلى من الديمقراطيه واحلى حتى من سعديه مرت سيد فاضل ابو الطرشي
المحل مالته وين الدربونه مال درب الزلك الي بيه البرلمان العراقي مو اول برلماني
ثاني برماني علىاليسره والله خوش طرشي كله مقبلات وي كل زيتون ينطيك كيلو خيار طرشي
مجانا المهم نرجع لموضوعنه بس عفيه دون 13 سنه لا يفوت يتفرج من وره السياج
المشهد الاول
وهو دقيقه ولك انت بعدك زغير اطلع اي حباب روح نام يالله المشهد الاول هو
انتي وحبيبتك ايد بيد تمشون بالشارع والجو بارد راح تجي هبت ريح بارده
كولش بارده انت شنو تسوي تنزل القمصله مالتك وتحطها على اكتاف حبيبتك
وتكلها مع ابتسامه حتى لا تستبردين ويصير اسهال عندج حياتي طبعا هاي رومانسيه ام الكيلوين
يعني اني اسويها خو اذا حبيبتي ابوها يشتغل بلحكومة انزع كل اهدومي واخليها
على اجتافها حتىالجواريب ما ابقي شئ طرزان اصير حتى الدنيا ثلج عمي بلكت تعيين شي الله على الرومانسيه طبعا هاي مال القمصله اذكرني
بالله يرحمها ام عباس خطيه هم جانت طالعه بسوك السماوه هي ورجلها ابو عباس وعودك
ابو عباس راد يصير رومانسي صار الجو بارد بالسوك خطيه نزع دشداشته وحطها على جتف
ام عباس مو مايلبسون قماصل خطيه نزعها الزلم بالسوك كلها طفرت شافوه هو وكرشه عبالهم
حزام ناسف لابس وراح يفجر بس النسوان لا عيني كام يهلهل ويصيحن امبارك عرسك يالهيبه
امبارك عرسك يالهيبه هنيالج ام عباس ابو عباس صاعقه
المشهد الثاني
انت وحبيبتك هم تمشون بالشارع طبعا المشاهد كلها بالشارع تربية شوارع عبالك
وانت تمشي وياها تحط ايدك على خصرها وهي على خصرك وبعدين تشيل راس حبيبتك
وتخليه على جتفك وتمشون احتمال حبيبتك تغفه على جتفك وتكوم تشخر وانتم تمشون
عيب من الناس تشخر شنو هاي فتشيل اي طابوكه من الشارع ودك على راسها الى ان
يطلع دم من خشمها وتصحوا من نومها طبعا هاي هم اذكرني بام ستار الله يرحمها هي ماتت
قبل ربع ساعه خطيه جاي تتعشه وطك عليها ماعون ثريد باميه ام ستار هم جانت تمشي وي ابو
ستار وجان ابو ستار كالها حطي راسج على جتفي عيوني ام ستار هي ماصدكت خكيه ونامت
وشخرت للصبح من كعدت شافت نفسها خطيه نايمه على الرصيف وابو ستار الكلب رايح
وعايفها راح حفله مال شعر شعر شعر برتقاله عذبتي حاله ودك وركص وي البروفسرات "
وعايف ام ستار تشخر بالشارع وراها طلبت الطلاق خطيه
المشهد الثالث
انت وحبيبتك بالمطعم عازمها هي هاي المشكله العزومات لو مابيها عزومات جان الدنيا
بخير والله المهم شنسوي من يجي العشه انت تكص قطعه من اللحم مالتك قطعه قياسها
حوالي 5 سنتمتر في 10 سنتمتر او ديسيمتر المهم وبالشوكه وتحطها
بحلكها مع ابتسامه مشرقه هي راح تاكلها اكيد واذا طلبت مره ثاني اوكي مشيها بس اذا
طلبت ثالث مره لا تنزل القندره وحاول دك على راسها حاول على راسها اخاف القندره تجي على
حلكها عيب مايصير حاول على راسها دك دك اي ان يطلع الدم من خشمها طبعا هاي الحاله
اذكرني بام هاشم الله يرحمها هم ماتت من القهر ماتت من قهرها على ام ستار الي ماتت
بالمشهد الثاني اعلاه جانت ام هاشم وي زوجها ابو هاشم عازمها على عشه مال فاتحه ثالث يوم
ياكلون لحم على تمن على روح المرحوم ابو ستار الي زوجته ماتت بالمشهد الثاني فهو هم مات
من قهره بس مات قبل ام هاشم الي ماتت وره ام ستار وره ابو ستار بالعشه جابو اللحم على التمن
والاكل باليد ماكو خواشيك وهاي كل ساع انطيني انطيني وخطيه ابو هاشم مايلحك هوسه الفاتحه
وكلها جايه على روح المرحوم تاكل كوم ابو هاشم واضرب ام هاشم جلاق من الصوت مال الجلاق
كل الكاعدين زوعوا وكلها لعبت نفسها وكامت اتشتم بالمرحوم ابو ستار الي زوجته ام ستار ماتت
بالمشهد الثاني
[/size] | |
|
بنت الرافدين
بغدادي نشيط
عدد الرسائل : 70
العمر : 31
تاريخ التسجيل : 09/07/2008
| |
